உரும்பிராய் இணையமானது உங்களை அன்புடன் வரவேற்கிறது .

 

ஊரில் பெரும்பான்மையானோர் புலம் பெயர்ந்து பாரெங்கும் பரந்து வாழும் இக் காலகட்டத்தில் ஊரிலும், ஊர் ஆலயங்களிலும் அன்றாடம் நிகழ்வுறும் நிகழ்வுகளையும், விழாக்களையும் உடனுக்குடன் அறியவும், பார்க்கவும் ஆவலுடன் இருக்கும் அனைவருக்கும் இவ் இணையம் ஓர் வரப்பிரசாதமாக அமையும் என்பதில் ஐயமில்லை.

 

ஊரின் மத்தியில் பழுத்த நற்பழ விருட்சமாகவும், அறிவுக் களஞ்சியமாகவும் அமைந்து; சமய, சமூக, கலாச்சார, பண்பாட்டை வளர்க்கும் நற்சிந்தனைகளையும், அறிவுரைகளையும் வெளிப்படுத்தும் இணையமாக இது நிச்சயமாக அமையும் ..

 

“ஆறு இல்லா ஊருக்கு அழகு பாழ்” என்பது பழைய பழமொழியாகிவிட, தொழில்நுட்பம் வளர்ந்துவிட்ட இக்காலகட்டத்தில் “இணையம் இல்லா ஊருக்கு அறிவு-அழகு பாழ்” எனும் புதுமொழியாக இணையத்தின் தேவை சிறப்புப் பெற்றிருப்பதைக் காணலாம். ஆறு ஊரைச் செழிப்படையச் செய்வதுபோல், இணையம் அங்கு வாழ்வோரின் அறிவைச் செழிப்படையச் செய்கின்றது. ஊர் இணையங்கள் யாவும் அவ்வூருக்கு பெருமை சேர்க்கும் அறிவுப் பொக்கிசங்கள்.

 

“மரம்பழுத்தால் வௌவாலை வாவென்று கூவி

இரந்தழைப்பார் யாரும் அங்கில்லை – அதுபோல்

இணையம் என்னும் நற்பழ விருட்சத்தில்

அறிவுப்பசிக்கு விருந்தாக நற்கனிகள் பதியப்பெற்றால்

ஊராரும், உலகத்தாரும் மொய்த்திடுவர் வௌவால்கள் போலங்கு”

இவை நாம் அனுபவத்தில் கண்டறிந்த உண்மை.